LIPDUBaren proiekzioa, aire librean
Ostiral honetan, apirilak 15
21:30etan, Karmelo kalean (La Zona parean)
Gogoratu: Gose musika taldearen kontzertua bertan behera geratu da Bilboko Udalak baimena ukatu dielako Euskararen Asteko antolatzaileei eszenatokia jartzeko eta kontzertua antolatzeko.
Goseren kontzertua pentsatuta zegoen leku eta ordu berean pantailaratuko da apirilaren 9an grabatu genuen Santutxu-Txurdinagako LIPDUBa.
Etorri zaitezte falta barik!!!
Proyección del LIPDUB al aire libre
Este viernes, 15 de abril
A las 21:30h, en la calle Karmelo (a la altura de La Zona)
Recordar: el concierto del grupo musical Gose se ha suspendido porque el Ayuntamiento de Bilbao ha negado el permiso a los organizadores de la Semana del Euskara para instalar un escenario y para organizar el concierto.
A la msima hora y en el mismo lugar se va a proyectar el LIPDUB de Santutxu-Txurdinaga que grabamos el día 9 de abril.
¡¡¡Venir sin falta!!!
2011-04-13
2011-03-23
Santutxuko Lipdub
Santutxu, Bolueta eta Txurdinaga
Arbolantxa, Artagan eta Otxarkoaga.
Zabalbidetik gora ez dago nekerik;
Egirletatik muxu Solokoetxeri!
Haurrak kale artean korrika, bultzaka;
atso zahar bi leihoan gazteei gedarka;
lagunak tabernan oratuta barrari:
“atera txikito bi edo
hiruzpamabi”Jon bertso eskolan, Ane Hockey taldean,
etxean, kalean, inpernuko atean...
Lorek be entzun du bere atzamarrekin,
atzamarren oihua: “etorri nirekin!”.
Bidean gora, pausorik pauso
hamaika bihotz, hamaika auzo
bertso ta dantza, kantu eta jolas
mahats-herrian euskaraz
Aldapan gora, aldapan behera
erdu matsorrien artera
aldapan behera aldapan gora
erdu sagutxuen zulora
Berbalagun taldera joaten da Mamadu,
Etxahun Iruri zaharra han ezagutu du,
guri bost koloreak edo jatorriak,
euskeraren herrira ongi etorriak!
Josuhek ikasi gura du erromintxela
berbetan egiteko amumak bezela.
Kaleko ikastola edo herriko eskuela
sagarra manzana ta txakurra xukela
Miren Deustuarra da, Sevillakoa Huan,
Txinatik etorri da hiru urtetxugaz Guam,
ametsik eijerrena
euskara Santutxun ta Santutxu munduan.darabilt buruan:
2011-01-07
Honezkero jakingo duzue zer den LIP DUB bat, ezta?
Ez duzu Interneten edota telebistan ikusi jende piloa kamera aurrean kantari eta dantzari?
LIP DUB bat auzo edo herri batean bideokamera batera eta bestera mugituz auzotarrek eta herritarrek ondo pasatzeko, beren nortasuna erakusteko edota zerbait adierazi zein aldarrikatzeko egiten duten bideoa. Grabaketa eten gabe, kamera uneoro mugimenduan dela eta entzuten den abestia kamera aurretik pasatzen diren pertsonek kantatzen dutela.
Guk ere LIP DUB bat egin nahi dugu. Burutazio horixe izan dugu Santutxu-Txurdinagako Euskararen Asteko antolatzaileek eta gure auzoetako talde, elkarte eta kolektibo guztiak gonbidatu nahi zaituztegu parte hartzera. Santutxuko herritarren LIP DUBa egitera, alegia. Horrela erakutsiko dugu zein auzo zabal, anitz, langile eta jatorra garen.
Apirilaren 9an grabatu nahi dugun LIP DUBerako beharrezko diren osagaiak prestatzen ari gara. Zure ideia eta proposamenen zain gaude, beraz, esaiguzu gurekin batera LIP DUBerako prest zauden.
2010-12-29
SANTUTXUKO 1.LIP DUBa
Agur bero bat Santutxuar orori!!!
Ikusten duzuenez urte berriari begira ekintza berriak sortzeko asmoa dago auzoan, eta hemen luzaten dizuegu 2011eko Santutxuko 1.Lib Dub-ean parte hartzeko aukera zoragarria!!!
Azken hileetan zehar, auzoak era kolektibo batean dituen beharrei begira egon gara, eta ikusi dugu, auzoak baduela gaitasuna herri sare nabarmen bat sortu eta eta honelako ekintzak burutzeko. Horregatik, luzatzen dizuegu Lib Dub honetan parte hartzeko gonbitea, guztiok egiten dugulako auzoa: musika zabalduz, kirolak eginez, kaleak alaituz, euskara ikasiz eta irakatsiz, guztion zakarrak jasoz, lan sozialak jorratuz... herri mugienduak sortuz azken finean.
Auzoak auzorentzat eginiko ekintza da, denon parte hartzea bilatzen duena, ekintza zabala eta anitza, euskara oinarri izanik, auzoak duen bizitza, Mahatserriaren bihotz taupadak, Euskal Herrira zabaltzea helburu duena.
Subscribe to:
Posts (Atom)